Aubameyang thotë se Arsenali kishte ngecur me Wengerin

Prishtinë | 24 Maj 2018 | 17:02 | Nga

Pierre-Emerick Aubameyang ka pranuar se Arsenali kishte stagnuar në periudhën e fundit nën udhëheqjen e trajnerit Arsene Wenger.

Francezi u largua pas 22 vjetësh tek Arsenali dhe në vend të tij të mërkurën u caktua Unai Emery.

Sipas sulmuesit të “Topçinjve”, Arsenali ka pasur nevojë për freski në udhëheqje, transmeton Koha.net

“Mendoj se ka ndjenja të përziera për këtë largim. Në njërën anë, është e çuditshme për të gjithë fansat për largimin e trajnerit. Por definitivisht është start i freskët. Qe disa sezone – duhet ta themi të vërtetën – klubi ka stagnuar pak dhe mendoj se të gjithë mezi po presin të shohin çka do të ndodhë sezonin e ardhshëm”, ka thënë Auba për RMC.

Auba e ka lavdëruar Emeryn duke thënë se ai është trajner shumë i mirë dhe se këtë e ka dëshmuar me ish-ekipet Sevilla e PSG.

Fjalë Kryesore:

Të ngjashme