Gareth Bale do të qëndrojë te Real Madridi, pasi klubi madrilen nuk planifikon të transferojë ndonjë superyll në verë, shkruan “The Sun”.

Uellsiani 30-vjeçar ka edhe dy vjet kontratë me Realin, ndërsa ai është i vendosur të qëndrojë te klubi madrilen, ndonëse marrëdhënia e tij me trajnerin Zinedine Zidane është e acaruar.

Balet i është thënë nga krerët e Realit se do të ishin të lumtur nëse ai qëndron.

Mungesa e fondeve për shkak të krizës së koronavirusit, e gjithashtu edhe shkaku i planit për rinovim të stadiumit, nënkupton se nuk do të ketë transferime të mëdha.

Këtë stinor Bale ka luajtur 18 ndeshje në të gjitha garat ndërsa ka shënuar tre gola e asistuar dy të tjerë.