LaMelo Ball është bërë lojtari më i ri në histori të NBA-së që ka realizuar dyshifror të trefishtë, ndërsa Charlotte Hornets ka triumfuar ndaj Atlanta Hawksit me rezultatin 113:105.
Ball i realizoi 22 pikë, 12 kërcime e 11 asistime. Me 19 vjet e 140 ditë, ai e ka thyer rekordin e Markelle Futzit, që kishte arritur dyshifrorin e trefishtë të parë me 19 vjet e 317 ditë.
Ball po ashtu është vetëm fillestari i pestë në histori të NBA-së që ka realizuar dyshifror të trefishtë.
“Një fillestar 19-vjeçar nuk duket kështu. Është e rrallë të shohësh një 19-vjeçar në këtë nivel”, ka thënë kryetrajneri i Charlottes, James Barrego, raporton agjencia AP.