Barcelona me ultimatum për Dembelen, i japin 48 orë

Prishtinë | 17 Jan 2022 | 10:09 | Nga Ekonomia Online

E ardhmja e sulmuesit Ousmane Dembele vazhdon të jetë në dyshime te Barcelona.

Francezi ka qenë në bisedime me katalunasit për disa muaj dhe ka pasur ofertë të re në disa javët e fundit.

Sidoqoftë, Dembele ende nuk ka kthyer përgjigje derisa është i interesuar për qëndrimin në “Camp Nou”, por nuk pranon me këto propozime të fundit.

Barcelona nuk mund t’i ofrojë Dembeles rritje page, shkaku i gjendjes së dobët financiare, derisa edhe lojtari ka pasur lëndime të shpeshta që nga viti 2017.

Francezit i skadon kontrata në fundin e sezonit dhe është i lirë të nënshkruajë parakontratë me çdo klub jashtë Spanjës.

Barcelona ka shpenzuar mbi 100 milionë euro për 24-vjeçarin në vitin 2017 dhe nuk duan ta humbasin falas. Për këtë arsye, Mundo Deportivo raporton se i kanë dhënë 48 orë për të vendosur.

Nëse francezi vendos të mos rinovojë, Barcelona do kërkojë blerës dhe nëse nuk gjen, do e lërë në bankinë për pjesën e mbetur të sezonit.

Fjalë Kryesore:

Të ngjashme