Barcelona konfirmoi disa çaste më parë se Ansu Fati ka marrë numrin 10-të në fanellë.

Skuadra katalunase vendosi që talenti i skuadrës të marrë numrin që për më shumë se një dekadë i takoi Lionel Messit.

Ylli argjentinas kaloi te Paris Saint-Germain si lojtar i lirë, pasi Blaugranasit nuk arritën ta regjistronin shkaku i krizës financiare.

Me largimin e gjashtë herë fituesit të Topit të Artë nga Camp Nou pas 21 vitesh qëndrimi, numri 10-të i ka kaluar Ansu Fatit.

Në sy bije edhe transferimi i tyre i fundit, Luk de Jong, që ka marrë numrin 17-të, derisa Memphis Depay e Sergio Aguero kanë marrë numrin 9-të, respektivisht, 19-të.

Një tjetër transferim i kësaj vere, Eric Garica mori numrin 24-të, por që vëmendja më e madhe shkoi për Ansu Fatin, që trashëgoi një numër legjendar. /Telegrafi