Barcelona sonte shkon në “El Clasico” pa lojtarin veteran

Prishtinë | 16 Gus 2017 | 14:39 | Nga

Si të mos mjaftonte deficiti prej dy golash, që duhet të rikuperojë në transferin më të vështirë dhe të sikletshme, Barcelona duhet të bëjë llogaritë në “El Clasico”-n e sotëm pa një lojtar veteran.

Mesfushori Andres Iniesta nuk do të jetë në dispozicion të katalanasve për ndeshjen e kësaj të mërkure, që fillon në orën 23:00, për shkak të një dëmtimi në muskuj.

Futbollisti i kombëtares spanjolle vuajti problemet me dëmtimet sezonin e kaluar dhe në shumë pak ndeshje ishte në formën optimale. Por, mungesa e tij sonte në mbrëmje, në një ndeshje që vendos Superkupën e Spanjës, është një tjetër problem që shtohet, raporton “TCH”.
Andres Iniesta u bashkohet Rafinhës dhe Thomas Vermaelenit në listën e të dëmtuarve për 90-minutëshin e sotëm në stadiumin “Santiago Bernabeu”.

Mesfushori mund të mungojë gjithashtu edhe në nisjen e La Ligës, të dielën, kur Barcelona të presë Betisin në stadiumin “Camp Nou”.

Fjalë Kryesore:

Të ngjashme