Nicolo Barella është më i mirë në Evropë në pozitën e tij, ky është mendimi i Marco Tardellit.
Legjenda e Italisë dhe Juventusit, në një intervistë për “Gazzetta dello Sport”, veçoi mesfushorin e Interit si më të mirin ditët e sotme.
“Barella nuk është mesfushori më i mirë në Itali por në të gjithë Evropën. Italia dhe Interi janë me shumë fat që kanë mesfushorin më të mirë në ekip”, u shpreh Tardelli.
“Ritmi i tij i lartë i jep shumë kurajo shokëve të ekipit, ka një shpirt luftarak si askush tjetër. Ai ushtron presion në çdo minutë të lojës, prishë aksione, ndërton aksione, është i pa lodhur dhe vetëm vrapon. Shumë i vështirë për t’u dëmtuar, është si mace e zezë”.
Ai thotë se gjithmonë ka besuar në cilësitë e Barellas.
“Nuk kam pasur kurrë dyshime për të, është shumë kokëfortë në kuptimin e mirë të fjalës ndaj ka arritur këtë nivel sot. Është shumë e vështirë ta rrëzosh kur ka topin nëpër këmbë”, shtoi Tardelli, i mahnitur nga Nicolo Barella.
Barella është pjesë e Interit që nga viti 2019. Ai deri më tani ka bërë 103 paraqitje, ka shënuar 8 gola.