Bejtullai: Nëse duam fitore ndaj Kosovës, duhet të japim maksimumin

Prishtinë | 06 Tet 2020 | 15:12 | Nga Ekonomia Online

Maqedonia e Veriut të enjten zhvillon ndeshjen më të rëndësishme në histori të kësaj skuadre, atë ndaj Kosovës.

Mbrojtësi i kësaj përfaqësuese, Egzon Bejtullai, ka thënë se nëse ekipi i tij luan në nivel, atëherë me siguri se do të kualifikohet në Kampionatin Evropian.

“Pres kualifikim në Kampionatin Evropian. Nëse duam fitore ndaj Kosovës duhet të japim maksimumin. E respektojmë si kundërshtar, por objektivi dhe dëshira jonë janë të ditur. Kemi skuadër të shkëlqyer që luan bashkë qe një kohë të gjatë”.

“Ne jemi profesionistë, secila ndeshje ka rëndësinë e vet, por asgjë nuk do të na ndalë nëse luajmë ashtu si duam. Dhe në fund do ta përsëris se nëse luajmë ashtu si dimë do të arrijmë te fitorja”, citon ekipa.mk fjalët e mbrojtësit të Shkëndijës.

Ndeshja ndërmjet Maqedonisë së Veriut dhe Kosovës zhvillohet të enjten (8 tetor) me fillim nga ora 20:45. Këto dy përfaqësuese zhvillojnë përballjen gjysmëfinale të ‘play-offit’ në kuadër të Ligës së Kombeve, në kërkim të një shansi për të luajtur në Kampionatin Evropian.

Skuadra fituese do të zhvillojë edhe një finale të ‘play-offi’ kundër fituesit të përballjes tjetër që zhvillohet ndërmjet Gjeorgjisë dhe Bjellorusisë. 

Të ngjashme