Mesfushori i Përfaqësueses së Kosovës, Valon Berisha, pret që edhe edicionin tjetër të bartë fanellën e Red Bull Salzburgut.

Berisha të hënën në një intervistë të dhënë për “Die Presse” ka thënë se e sheh veten edhe në edicionin e shtatë te skuadra austriake, për shkak se ndihet shumë mirë përkundër ofertave të shumta që i ka nga gjithë Evropa, ka shkruar Koha Ditore.

Berisha, 25-vjeçar, këtë edicion është ndër më të dalluarit te Salzburgu dhe nga mediumet austriake po quhet si “zemra” e ekipit.

Ai deri më tani ka shënuar 12 gola dhe ka asistuar nëntë herë në 39 paraqitje në të gjitha garat.