Gazeta zvicerane Blick, i ka kushtuar një artikull futbollistës të kombëtares së Suedisë, Kosovare Asllani.

Në artikull vihet në pah se Asllani e ka prejardhjen nga Kosova.

Ajo krahasohet edhe me futbollistin më të mirë të të gjitha kohërave që ka pasur Suedia, Zlatan Ibrahimoviq.

“Blick” thotë se ylli më i madh i Suedisë e ka emrin Kosovare.

Ylli më i madh i Suedisë është Kosovare

Kujdes nga ky yll! Kosovare Asllani, rrënjët i ka në Ballkan.

Ajo është për çdo vajzë futbolldashëse në Suedi.

Suedezet janë ekip i klasit botëror.

Me futbollistet si : Jane Caroline Seger, Fridolina Rolfö dhe Stina Blackstenius.

Por, Kosovare Asllani është ylli më i madh i Suedisë.

Ajo shënon gola dhe vendos ndeshjet.

Ashtu sikurse në fitoren 1:0 kundër Holandës, kur ajo godet Nouwen-in dhe më pas mban ia asiston topin Anderssonit në mënyrë perfekte.

Jashtë, ajo është model për të gjitha vajzat që kanë migruar në Suedi.

Ajo ka lindur në Kristianstad një vit pasi prindërit e saj u larguan nga vendi i tyre me dy vëllezërit e motrat e saj dhe emigruan në Suedi në 1988.

Emri i saj Kosovare, është një kujtim për atdheun e prindërve të saj.

Zemra e saj i përket dyja vendeve

Fakti që Kosovarja fitoi medaljen e argjendtë olimpike me Suedinë 27 vjet më vonë – në Rio 2016, ku Kosova mori pjesë për herë të parë si shtet i pavarur – është një histori e bukur.

“Jam shumë krenar që luaj për Suedinë dhe e kam Kosovën në zemër. Kjo medalje nuk është vetëm për Suedinë, por edhe për Kosovën. Zemra ime i përket të dy vendeve”, – pati thënë ajo  për Fifa.com.

Ajo gjithashtu ka bërë tatuazh shqiponjën dykrenare.

Asllani është prej kohësh e preferuara e tifozëve në Suedi, shkruan Blick.ch përcjell Klankosova.tv.

Krahasimi me Ibrahimoviq

Kosovare Asllani krahasohet me yllin suedez të futbollit Zlatan Ibrahimoviq.

Asllani për këtë pati thënë se nuk dëshiron të krahasohet me të dhe me asnjë futbollistë, pasi nuk kanë ngjashmëri mes vete.

Ajo deri më tani ka arritur të shënojë 43 gola në 160 ndeshje.