Dani Ceballos ka thënë se Arsenali është skuadra ku ai dëshiron të qëndrojë dhe se nuk i vije keq që nuk ka qëndruar te Real Madridi.

The Gunners është shumë afër që ta kompletojë transferimin permanent të mesfushorit spanjoll që e ka filluar sezonin në formë jo edhe aq të mirë, mirëpo duan ta mbajnë në skuadër.

“Transferimi te Arsenali ka qenë një hap shumë i rëndësishëm në karrierën time dhe jam i lumtur deri më tani”, ka thënë Ceballos.

“Nuk më vije keq që nuk jam te Real Madridi. Tani për tani jam në një vend që më bën të ndihem i lumtur”.

“Ideja ime ishte që të largohem, të luaj dhe ta shijoj futbolli. Në dy vitet e kaluara nuk ka ndodhur kjo gjë”, ka shtuar më tej spanjolli.

Ceballos kaloi në formë huazimi te Arsenali dhe në afatin e janarit mund ta mbyll kalimin nga Los Blancos për një shumë rreth 45 milionë euro.