Sokol Cikalleshi do të vazhdojë të jetë pjesë e Superligës turke, pasi ka arritur marrëveshje me skuadrën e Goztepe që interesohej për shërbimet e tij.

Nuk bëhen të ditura shifrat e këtij transferimi dhe kontrata që do të nënshkruajë Cikalleshi me Goztepen por e rëndësishme është që lojtari do të vazhdojë të jetë pjesë e një klubi që luan në elitën e futbollit turk dhe që sezonin e fundit u rendit në vendin e gjashtët të tabelës.

Cikalleshi largohet kështu nga Osmanlispor pas një sezoni në të cilin zhvilloi në total 14 ndeshje duke realizuar dhe katër gola në të gjitha garat.

Goztepe do të jetë skuadra e katërt e 28-vjeçarit në Superligën turke, pas Istanbul Basaksehir, Akhisar dhe Osmanlispor.