De Bruyne synon thyerjen e rekordit të Henry në Premierë Ligë

Prishtinë | 29 Pri 2020 | 14:04 | Nga Ekonomia Online

Sulmuesi i Manchester Cityt, Kevin De Bruyne i ka thënë legjendës së Arsenalit, Thierry Henry, se po synon të thyej rekordin e tij në Ligën Premier.

Legjenda e Arsenalit siguroi 20 asistime gjatë sezonit 2002/03 në Ligën Premier, më shumë nga çdo lojtar tjetër gjatë një sezoni të vetëm.

De Bruyne aktualisht është në kuotën e 16-të asistime në këtë sezon dhe mendon se mund të thyejë rekordin e Henry.

“Për të qenë i sinqertë, unë ndjehem sikur jam 17 vjeç”, ka thënë fillimisht De Bruyne.

“Unë gjithmonë bëj shaka me Henryn në ekipin kombëtar, Kompany është dëshmitar. I thashë atij: Do ta thyej rekordin këtë vit”.

“Të kesh 16 asistime është vërtet e bukur dhe flet vërtet mirë për një lojtar krijues. Por nëse nuk ndodh, ne prapë vazhdojmë”.

“Kur ju arrini një rekord kjo ju mbush me krenari sepse e kisha atë në Gjermani dhe është mirë të shihni se keni thyer disa rekorde”, përfundoi belgu.

Të ngjashme