Dembele thotë se nuk ka biseduar për kontratën e re

Prishtinë | 12 Pri 2021 | 12:22 | Nga Ekonomia Online

Sulmuesi i krahut, Ousmane Dembele ka zbuluar se ende nuk ka nisur negociatat me Barcelonën për kontratën e re. Dembele ka kontratë me Barcelonën deri në verën e vitit të ardhshëm dhe kohët e fundit është spekuluar për një largim të tij të mundshëm nga “Camp Nou” pas përfundimit të sezonit aktual.

Dembele 23-vjeçar është i gatshëm të mbetet te Barça por që klubi spanjoll ende nuk i ka bërë ofertë për kontratën e re. Duke pasur parasysh këtë situatë, skuadrat si Juventusi, Manchester Unitedi, Paris Saint-Germaini e Liverpooli tashmë kanë shprehur interesim për Dembelen.

“Unë kam edhe një vit kontratë dhe po ndihem mirë këtu. Mirëpo, ende nuk kam biseduar me klubin për kontratën e re. Do të shoh se si do të shkojnë gjërat deri në fund të sezonit”, ka thënë Dembele.

Francezi këtë edicion ka shënuar dhjetë gola dhe ka bërë katër asistime në 37 ndeshje.

Fjalë Kryesore:

Të ngjashme