Dëmtohet Pulisic, kur do të rikthehet në fushë?

Prishtinë | 02 Nën 2020 | 19:52 | Nga Ekonomia Online

Fantazisti amerikan Christian Pulisic pësoi një tjetër dëmtim dhe do të duhet të mungojë disa javë, teksa lajmi është konfirmuar nga vetë trajneri i Chelseat, Frank Lampard.

Futbollisti ishte planifikuar të luante nga minuta e parë në tranfertën ndaj Burnley-t, por ndjeu shqetësim gjatë nxehjes para ndeshjes dhe u la pushim, ndërsa në fushë zbriti menjëherë gjermani Timo Werner.

“Kishte luajtur tre ndeshje radhazi dhe duhej ta menaxhonim lodhjen e tij, megjithatë do të shohim si do të jetë gjendja në 24 orët e ardhshme. Shpresoj që të rikthehet sa më shpejt, ndonëse mjekët kanë parashikuar një ndalesë disa javëshe”, u shpreh Lampard.

Gjatë muajit nëntor Chelsea ka në kalendar 5 ndeshje për të zhvilluar, dy prej të cilave janë në Ligën e Kampionëve ndaj francezëve të Rennes dhe tre në tjerat në kampionat ndaj Sheffield United, Newcastle dhe Tottenham Spurs.

Të ngjashme