Duplantis, ylli i ri i kërcimeve me purtekë

Prishtinë | 14 Gus 2018 | 12:36 | Nga

Suedezi 18-vjeçar Armand Duplantis, është përkujdesur që të pushtojë skenën e atletikës, me performancën që tregoi të dielën në finalen e kërcimit me purtekë në Kampionatin Evropian që u mbajt në Berlin.

Duplantis jo vetëm që fitoi titullin e Evropës, por vendosi edhe rekord të evropianëve dhe po ashtu përmirësoi dukshëm rekordin e tij të botës për atletë nën 20 vjet, shkruan sot Koha Ditore.

Pas shkëlqimit të Jakob Ingebrigtsenit, 17-vjeçar, që fitoi dy medalje të arta në vrapim, Duplantis mori skenën në ditën e fundit të Evropianit, të dielën.

Ai kërceu në finale 6.05 metra, duke përmirësuar rekordin e tij të botës për U-20 për 12 centimetra, ndërsa shpërtheu në festë. Njeriun të cilin e rrëzoi nga froni ishte kampioni i trefishtë dhe partneri i tij i stërvitjes Renaud Lavillenie. Lavillenie iu afrua Duplantisit për ta përshëndetur për këtë arritje të madhe.

Fjalë Kryesore:

Të ngjashme