Skuadra e Torinos ka fituar betejën me Atalantan, për të siguruar shërbimet e futbollistit kosovar, Mërgim Vojvoda.

Futbollisti i kombëtares së Kosovës do të largohet nga St Liege dhe do të transferohet në Serie A, tek Torino, përcjell GazetaBlic.

“Vojvoda nesër natën në Torino: 5,5 milion plus bonuse për Standard Liege dhe tashmë 16 milion të shpenzuara nga Torino për tre blerje”, shkruan Di Marzio në Twitter.

Vlen të theksohet se tek Torino, Vojvoda do ta gjejë edhe, legjendën e futbollit kosovar, Samir Ujkanin.