Ekipet nga Manchesteri në garë për Fredin

Prishtinë | 10 Pri 2018 | 16:07 | Nga

Manchester United dhe Manchester City janë futur në garë për mesfushorin e skuadrës së Shakhtar Donetsk, brazilianin Fred, ka njoftuar “Daily Mail”.

Mësohet se 25-vjeçari, pëlqehet si nga Pep Guardiola ashtu edhe nga Jose Mourinho, të cilët janë të gatshëm të paguajnë dëmshpërblim deri në 55 milionë euro për transferimin e tij.

Fred pritet të largohet nga ekipi ukrainas në fund të këtij edicioni, edhe pse ka kontratë deri në verën e vitit 2023.

Ai në këtë edicion ka shënuar katër gola dhe ka dhënë pesë asistime në 31 ndeshje të zhvilluara për Shakhtarin në të gjitha garat.

Fred është pjesë e Përfaqësueses së Brazilit prej vitit 2014 dhe deri më tani ka shtatë paraqitje. Ai te Shakhtari u transferua në vitin 2013 nga Internacionali për 15 milionë euro.

Fjalë Kryesore:

Të ngjashme