Fiorentina ka shprehur interesim për mesfushorin e Arsenalit, Lucas Torreira që është i gatshëm për t’u rikthyer në Serie A.
Mësohet se Fiorentina tashmë ka nisur negociatat me klubin londinez që për ta lënë të lirë 24-vjeçarin po kërkon rreth 30 milionë euro.
Torreira është i gatshëm t’i bashkohet Fiorentinës, ekip që e sheh si përforcim të duhur për mesfushën.
Ai te Arsenali u pat transferuar para dy vjetësh nga Sampdoria dhe me ekipin anglez ka kontratë deri në vitin 2023.
Në edicionin e fundit, Torreira ka shënuar dy gola në 39 paraqitje për Arsenalin në të gjitha garat.