Mesfushori, Argjend Bardhi, është rikthyer te klubi i Feronikelit duke u bërë kështu transferi më i ri i klubit nga Drenasi.
Bardhi, është i njohur për Tigrat e Feronikelit dhe rikthehet në klub për të përforcuar mesfushën e tyre në sezonin e ri.
Afati kalimtar i verës ka qenë tejet i ngjeshur për Feronikelin deri me tani ku kanë ofruar disa emra të njohur në futbollin vendor e këtu përfshihet edhe Bardhi.
“Ju premtoj maksimumin tim, jam i lumtur që jam rikthyer te Feronikeli dhe shpresoj që të arritim objektivat e klubit. Synojmë pozitën e parë dhe për atë pozitë nuk do të kursej asgjë nga vetja ime”, tha Bardhi për faqen e klubit drenicas.