FFK e dënon rëndë futbollistin vushtrrias

Prishtinë | 27 Pri 2019 | 17:06 | Nga Ekonomia Online

Besart Veseli është dënuar me një vit moslojë nga FFK.

Gjatë ndeshjes Vushtrria – Fushë Kosova, futbollisti vendas, Besart Veseli kishte sulmuar lojtarin kundërshtar duke e goditur dhe sulmuar pa top.

Ky gjest i pahijshëm dhe josportiv, ka bërë që Komisioni Disiplinor i FFK-së ta dënojë atë me një vit moslojë.

Njoftimi i plotë i FFK-së:

“BESART VESELI; lojtar i klubit të futbollit “VUSHTRRIA“ nga Vushtrria me numër të ID kartelës; 003130M92 dhe licencuar në Federatën e Futbollit të Kosovës me numër të fanellës sportive 7, në procedurë disiplinore të pezullimit nga mbledhja e kaluar komisionit për ndëshkim me karton të kuq dhe sulm fizik në lojtarin kundërshtar- goditje dhe shkelmim pa top të lojtarit kundërshtar derisa ky ishte i shtrirë për toke në ndeshjen e javës së; XXV-të Ligës së parë të Kosovës në futboll për kategorinë e seniorëve; VUSHTRRIA – F.KOSOVA e zhvilluar me datë 21.04.2019 në stadiumin “Ferki Aliu “në Vushtrri . (raportet e zyrtarëve nga ndeshja si dhe inçizimet televizive nga ndeshja e zhvilluar në Vushtrri). Bazuar në nenin 43 paragrafi 1 pika 2.; DËNOHET; me ndalesë loje për; 12 muaj për të gjitha ndeshjet zyrtare vijuese të organizuara nga ana e Federatës së Futbollit të Kosovës”.

Fjalë Kryesore:

Të ngjashme