FFK-ja u dorëzon stemat e FIFA-s 13 gjyqtarëve

Prishtinë | 16 Jan 2020 | 15:33 | Nga Ekonomia Online

Kryetari i Federatës së Futbollit të Kosovës (FFK), Agim Ademi, sekretari i përgjithshëm, Eroll Salihu dhe kryetari i Komisionit të Gjyqtarëve, Përparim Hasani, sot (e enjte), kanë dorëzuar stemat e reja të FIFA-s për 13 gjyqtarë.

Paraqitjet e mira të dy tresheve të deritashme të gjyqtarëve në arenën ndërkombëtare në krye me Genc Nuzën e Besfort Kasumin kanë bërë që krahas ri-konfirmimit të tyre me stemën e FIFA-s, sivjet me stemën e FIFA-s të pajiset edhe një treshe tjetër e gjyqtarëve në krye me Visar Kastratin.

Sivjet me stemën e FIFA-s janë pajisur tre gjyqtarë kryesorë, gjashtë asistentë, tre gjyqtarë të futsallit dhe një asistente në futbollin e femrave.

Kryetari Ademi ka përgëzuar gjyqtarët për pajisjen me stemën e FIFA-s, duke vlerësuar si tejet të rëndësishëm rolin e tyre në zhvillimin e garave vendore, por edhe në imazhin që ata po i japin futbollin tonë në ndeshjet ndërkombëtare.

Njëherësh, presidenti Ademi ka kërkuar vendosmëri dhe profesionalizëm edhe më të madh në këtë vit, në mënyrë që t’i ndihmojnë edhe gjeneratat e ardhshme për t’u pajisur me stemën e FIFA-s dhe për të pasur mundësi shijimin e ndarjes së drejtësisë në ndeshjet ndërkombëtare.

Edhe sekretari i përgjithshëm, Salihu ka kërkuar nga gjyqtarët përfitues të stemave të FIFA-s vigjilencë dhe punë sa më profesionale në vazhdim, duke mos rënë asnjëherë pre e presioneve të mundshme apo dukurive të ndryshme negative.

Gjyqtarë kryesor

Genc Nuza

Besfort Kasumi

Visar Kastrati

Asistentë

Fatlum Berisha

Bujar Selimaj

Fatmir Sekiraqa

Edmond Zeqiri

Imran Kabashi

Besnik Morina

Gjyqtarë të futsallit

Besar Beqiri

Besart Ismajli

Ekrem Franca

Asistente (futbolli i femrave)

Lumturije Muhadri

Fjalë Kryesore:

Të ngjashme