FFK: Muriqi mungon ndaj Çekisë dhe Anglisë

Prishtinë | 12 Nën 2019 | 13:54 | Nga Ekonomia Online

Vedat Muriqi nuk ka arritur të rikuperohet nga lëndimi.

Sulmuesi i Kombëtares së Kosovës, Vedat Muriqi, nuk do të jetë në gjendje të luajë në dy ndeshjet e radhës kundër Çekisë, më 14 nëntor në Plzen dhe kundër Anglisë, më 17 nëntor në Prishtinë, ka njoftuar FFK.

Përkundër përpjekjeve maksimale dhe dëshirës së madhe të futbollistit për t’i ndihmuar bashkëlojtarët në këto ndeshje të rëndësishme, pas ekzaminimeve të bëra mjekësore dhe konsultimeve edhe me ekspertë të kësaj fushe në Zvicër ka rezultuar që paraqitja e tij është e pamundshme të ndodhë.

Për çdo ndryshim eventual në gjendjen e futbollistit do t’iu informojmë me kohë, ka sqaruar FFK.

Të ngjashme