FIBA përgëzon Kosovën (Foto)

Prishtinë | 19 Gus 2017 | 23:22 | Nga

Federata Ndërkombëtare e Basketbollit ka uruar Kosovën për kalimin në fazën kualifikuese për Botërorin “Kina 2019”.

Kosova ka shënuar fitore historike ndaj Estonisë në Pallatin e Rinisë për ta siguruar plasmanin në ndeshjet kualifikuese për Botërorin “Kina 2019” në basketboll.

Kosova këtë përballje e fitoi me rezultat 75-69. Për këtë arritje historike “Dardanët” janë përgëzuar edhe nga FIBA.

“Mirë se vjen në kualifikimet për Kampionatin Botëror Kosovë”, është urimi i FIBA-s.

Një nga më meritorët për këtë kualifikim të Kosovës ishte kapiteni Dardan Berisha, i cili shënoi 28 pikë, 6 asiste dhe pati 4 kërcime. Ai u ndihmua nga Erjon Kastrati që shënoi 13 pikë.

Me këtë fitore Kosova ka përfunduar e dyta në Grupin C me dy fitore, duke eliminuar Maqedoninë, që kishte shënuar vetëm një fitore, atë ndaj Kosovës.

Fjalë Kryesore:

Të ngjashme