Real Madridi do të jetë nikoqir i Eibarit në ndeshjen e parë pas rikthimit të futbollit që ishte ndërprerë nga coronavirusi nga mesi i muajit mars.

Dy skuadrat kanë publikuar formacionet zyrtare për takimin që zhvillohet në kuadër të javës së 28-të në La Liga, derisa fillon në ora 19:30 në stadiumin Di Stefano, shkaku që Santiago Bernabeu është në rinovim.

Zinedine Zidane për këtë sfidë nuk mund të llogarisë në lojtarët si Mariano Diaz, Luka Jovic, Lucas Vazquez, Nacho, që janë të lënduar.

Në anën tjetër, Eibarit do të jetë vetëm pa Gonzalo Escalante që ka përmbushur numrin e kartonëve të verdhë, gjersa Ivan Ramis është po ashtu i lënduar.

Formacioni startues i Real Madridit: Courtois, Carvajal, Ramos, Varane, Marcelo, Casemiro, Kroos, Modric, RODRYGO, Hazard, Benzema.

Formacioni startues i Eibarit: Dmitrovic; Rober Correa, Oliveira, Arbilla, Rafa Soares; Cristóforo, Sergio Álvarez, Expósito; Orellana, Kike García, De Blasis.