FSHF-ja ndryshon orarin e ndeshjeve pas skandalit me dhunë

Prishtinë | 14 Mar 2019 | 18:57 | Nga Ekonomia Online

Ndërprerja e të gjitha aktiviteteve të futbollit, pas dhunës në stadiumin e Kamzës, ka bërë Federatën Shqiptare të Futbollit të modifikojë edhe kalendarin nga muaji mars deri në fundin e sezonit.

Kështu, praktikisht do të shtyhet me disa ditë epilogu i të gjitha garave dhe trofeu i fundit do të caktohet në ditët e para të qershorit.

Sektori i garave në Federatën Shqiptare të Futbollit ka bërë disa modifikime të kalendarit të Kategorisë Superiore dhe Kupës së Shqipërisë, pas një jave ndërprerjeje të aktivitetit, përcjell TCh.

Ndeshjet e kthimit të turit të çerekfinales së Kupës së Shqipërisë do të zhvillohen në datën 3 prill, ndërsa ato gjysmëfinale më 24 prill dhe 8 maj.

Java e 36 e Kategorisë Superiore, e planifikuar për më 25 maj, do të zhvendoset për 29 maj.

Finalja e Kupës së Shqipërisë për edicionin 2018-2019 do të zhvillohet ditën e diel, më 2 qershor, një ndeshje që ul edhe siparin e sezonit.

Të ngjashme