Interi synon ta transferojnë mesfushorin francez, i cili pritet të largohet nga Chelsea gjatë kësaj vere

Interi është mjaft i interesuar për futbollistin e Chelseat, N’Golo Kante.

Lajmin e ka bërë të ditur e përditshmja italiane “La Gazzetta dello Sport”.

“Blues” raportohet se janë të hapur për ofertat që do të arrijnë për 29 vjeçarin.

Nga ana tjetër, trajneri Antonio Conte dëshiron të punojë prapë me mesfushorin francez.

Të Kaltrit nga ana e tyre i kërkojnë mbi 50 milionë euro për kampionin e botës me Francën.

Përpos Kantes, Interi është i interesuar të përforcohet edhe me Edin Dzekon e Romës dhe Jan Vertonghenin e Tottenhamit.