Skuadra e Gjilanit ka vazhduar me fitore edhe në kuadër të xhiros së 13-të në Superligën e Kosovës.
Gjilani, ashtu edhe siç pritej, pa ndonjë telashe fitoi kundër Ferizaj, me rezultatin 4:0, shkruan lajmi.net.
Nikoqirët vendosën takimin qysh në pjesën e parë, në një periudhë prej shtatë minutave, kur realizuan tri herë.
Fillimisht ishte Hajdari që gjeti rrugën e golit në minutat 26’ dhe 30’, për rezultatin 2:0.
Busic u përkujdes për rezultatin final të pjesës së parë, 3:0, kur në minutën e 33’ gjeti edhe ai rrugën e golit.
Kurse, golin e katër të Gjilanit dhe të fundit të këtij takimi e realizoi Fiton Hajdari, për të kompletuar njëkohësisht het trikun e tij, në minutën e 88′
Me këtë fitore, Gjilani mban hapin me Ballkanin, duke i qëndruar me dy pikë prapa, tashmë në kuotën e 27 pikëve.
Ferizaj mbetet në kuotën e 9 pikëve për pozitën e parafundit në tabelë.