Në Ligën e Basketbollit të Austrisë, në ndeshjen mes ekipeve Wells dhe Kapfenberg, ndodhi diçka që nuk ka lidhje me këtë sport.

David Samuels nga Kapfenberg goditi me grusht në fytyrë kundërshtarin e tij, Erwin Zulic, pasi ky i fundit shënoi kosh duke e ngulitur topin. Si duket, ky shënim ishte një provokim për Samuels i cili më pas u përjashtua nga loja.

Incidenti kishte ndodhur në qerekun e katërt ku Wells po fitonte me 17 pikë epërsi, njofton Klan Kosova.

Megjithatë, edhe pse ishte një gjest josportiv, askush nga kampioni i shumëfisht i Austrisë nuk ka kërkuar falje.