Real Madridi e ka bërë sulmuesin e Tottenham Hotspurit, Harry Kanen, si shënjestrën kryesore të tyre për ta transferuar në këtë verë.

Anglezi cilësohet si njëri ndër më të mirët në botën e futbollit në pozitën që luan, derisa ende vazhdon të jetë në kërkim të trofeve.

Sipas asaj që raporton SER Deportivos, Los Blancos janë tejet të interesuar në transferimin e Kanes në këtë verë nga klubi i Ligës Premier.

Por, Kane nuk është i vetmi, pasi nëse dështon si opsion, madrilenët mund të shkojnë për dy edhe më të vështira, si Kylian Mbappen apo Erling Haalandin.

Por, Zinedine Zidane dhe Florentino Perez besojnë se anglezi është një lojtar që i përshtate filozofisë së lojës së tyre dhe një opsion më i lirë.

Lojtari 27-vjeçar ka shënuar 27 gola në të gjitha garat për Tottenhamit, derisa ka dhuruar edhe 16 asistime.

Ai ende nuk e ka fituar një trofe të madh te Spurs dhe dëshira e tij është që të shkojë në një klub ku mund të realizojë qëllimet e tij.