Gérard Houllier, këshilltar i presidentit të Lyonit, Jean-Michel Aulas, foli me “Téléfoot” këtë të hënë për të ardhmen e Memphis Depay, sulmuesit holandez kaq shumë i kërkuar nga Barça.
Veterani 73-vjeçar paralajmëroi se 26-vjeçari mund të largohet nga Lyoni së shpejti dhe nuk hezitoi ta lidhte të ardhmen e tij me Barçën.
“Është futboll, do ta shohim. Ne do të bëjmë më të mirën për ta mbajtur. Nëse paraqitjet e tij janë siç ishin para lëndimit, do të ketë më shumë klube që do të interesohen për të. Mendoj se trajneri i Barçës e vlerëson shumë atë. Gjithsesi, Depay është shumë i lumtur që është tek Lyoni”, tha Houllier
Memphis Depay është opsioni që Barça vazhdon ta ketë në konsideratë për merkaton e janarit, aq më tepër që “blaugranat” do të duhet të bëjnë deri në fund të muajit mars pa sulmuesin e ri të talentuar, Ansu Fati.