Sipas një hulumtimi që është publikuar sot, Lionel Messi është futbollisti më me vlerë aktualisht në botë.

Hulumtimin e ka publikuar Qendra për Hulumtime në Sport CIES dhe observatori i futbollit në kuadër të kësaj qendre. Hulumtuesit kanë marrë parasysh një sërë faktorësh, ndër të cilët kryesorët kanë qenë mosha, kohëzgjatja e kontratës dhe klubi aktual, si dhe cilësitë individuale të lojtarit, që observatori i futbollit i mat sipas disa parametrave metrikë dhe statistikorë.

Messi, sipas këtij hulumtimi ka vlerë tregu prej 184 milionë Eurove, dhe diferenca midis tij dhe lojtarit të dytë është mbi 20 milionë Euro.

Shikoni më poshtë tabelën e CIES-it për vlerën e lojtarëve në treg dhe metodologjinë e hulumtimit, për ata që janë të interesuar ti dinë detajet.