Humbja në sekondën e fundit ia mohoi kalimin në gjysmëfinale Alvin Karaqit

Prishtinë | 29 Qer 2019 | 17:46 | Nga Ekonomia Online

Karateisti Alvin Karaqi e ka mbyllur me fitore garimin në Lojërat Evropiane Minsk 2019.

Garuesi kosovar mposhti medalistin e bronztë të Evropës, malazezin, Nikola Maloviq.

Pavarësisht fitores, humbja në sekondën e fundit nga ukrainasi, Valerii Chobotov, nënkampion bote, ia mohon kalimin në gjysmëfinale, bën të ditur KOK-u përmes një komunikate për media.

Karaqi ishte duke fituar 3:1 ndaj ukrainasit në luftën e dytë, por një Ippon i kundërshtarit në sekondën e fundit bëri që Karaqi të mos fitojë luftën, transmeton Koha.net.

Në luftën e parë, Karaqi pësoi humbje nga kampioni i botës, kroati, Ivan Kvesiq.

Karaqi përfundoi i treti në grupin B. Në kategorinë e tij, deri në 84 kilogramë, morën pjesë tetë garuesit më të mirë të Evropës, të ndarë në dy grupe.

Të ngjashme