Një i ri kurd ka tërhequr vëmendjen globale për shkak të ngjashmërisë së tij të jashtëzakonshme me Cristiano Ronaldon.

Biwar Abdullah u largua nga Iraku në vitin 2019 pasi u bë disi një personazh i famshëm vendas për shkak të ngjashmërisë së tij me sulmuesin portugez.

Biwar, i cili jeton në Derbi të Britanisë së Madhe, e ka ndjekur yllin portugez që kur ai filloi karrierën e tij në Sporting Lisbonës si adoleshent. Edhe pse vetë nuk është pjesë e ndonjë klubi, kur luan futboll, ai zgjedh të njëjtin pozicion si idhulli i tij dhe në vend që të mbështesë një ekip, thjesht mbështet Ronaldon kudo që shkon, shkruan The Sun, transmeton Klankosova.tv.

Biwar shpesh po vazhdon me trendet, duke ndryshuar modelin e flokëve për t’iu përshtatur sulmuesit dhe duke blerë rroba dhe komplete futbolli të ngjashme me të.

Ai shpreson të fitojë vëmendje të mjaftueshme mediatike për të takuar një ditë dhe ndoshta edhe për të luajtur futboll me heroin e tij.

Biwar i tha The Sun: “Unë jam kurd, nga Iraku verior, kur jam në shtëpi marr shumë vëmendje, njerëzit më ndalojnë në rrugë dhe më kërkojnë fotografi, nuk më shqetëson, ndaloj gjithmonë për njerëzit. Shumica mendojnë se jam Ronaldo menjëherë, është një ndjenjë e bukur, do të doja të kisha gjysmën e aftësive që ai ka.

“Unë luaj futboll, luaj në të njëjtin pozicion si ai dhe vesh fanellën me numrin shtatë – ashtu si ai. Ëndrra ime është që një ditë ta takoj”.