Interi dhe Manchester City po punojnë në shkëmbimin e lojtarëve në fund të këtij edicioni.
Bëhet e ditur se Interi ka ofruar qendërmbrojtësin Milan Skriniar për sulmuesin e Cityt, Sergio Aguero.
Skriniar pëlqehet shumë nga trajneri i Cityt, Pep Guardiola që dëshiron ta ketë 25-vjeçarin në ekip për edicionin e ri. Në anën tjetër, City është i gatshëm ta shes Agueron për t’ia liruar vendin në sulm brazilianin Gabriel Jesus.
Aguero 32-vjeçar, këtë edicion ka shënuar 23 gola në të gjitha garat dhe ka kontratë me Cityn deri vitin e ardhshëm. Ndërsa, Skriniar ka kontratë me Interin deri në vitin 2023 dhe po kërkohet edhe nga Real Madridi.