Ish legjenda e Kombëtares gjen fajtorin e humbjes së Kosovës nga Kroacia

Prishtinë | 09 Tet 2016 | 09:24 | Nga

Sokol Kushta, ish sulmuesi i Kombëtares shqiptare dhe Flamurtarit të Vlorës, e ka kritikuar Albert Bunjakin për humbjen e pësuar nga Kroacia me rezultat të thellë 6-0

Humbja e Kosovës nga Kroacia, me rezultat të lartë 6:0, ende vazhdon të mbetet temë e diskutimit.

Sipas ish legjendës së Kombëtares shqiptare, Sokol Kushtës, fajtor për këtë humbje të thellë është trajneri Albert Bunjaki.

“Kosova është si një dhëndër i ri që nuk di si t’i menaxhojë energjitë dhe vjen fundi, zero. Në lojë nuk ka gjeneralë. Diferenca me Kombëtaren tonë ishte se ne kemi De Biasin trajner.”, ka deklaruar ai për ‘Panorama Sport’

“Bunjaku duhet të zbresë në tokë dhe të mos harrojë se jemi te kombëtaret e vogla dhe nuk mund të luajë kundër Kroacisë si i barabartë, pa rregull, anarki dhe secili të bëjë sipas kokës së vet. Besoj se e mori mësimin e parë”, ka theksuar ai. /Express/

Fjalë Kryesore:

Të ngjashme