Skënderbeu ka eliminuar Dinamo Zagrebin për të siguruar fazën e grupeve në Europa League.

Me këtë kualifikim, ekipi i Skënderbeut do të përfitojë 3.3 milionë euro.

Kjo shifër mund të rritet edhe më shumë, në varësi të sukseseve që do të kenë në ndeshjet e grupeve.

Ndërsa, presidenti Takaj u kishte premtuar futbollistëve të tij 200 mijë euro premio, nëse do të kualifikoheshin.

Një fitore për Skënderbeun, por një fitore mbi të gjitha për futbollin shqiptar, që tregon se vitet e fundit nuk ka asgjë më pak krahasuar dhe me disa prej klubeve më të mëdha në kontinent.

Arritja e korçarëve merr dhe më tepër vlerë teksa bëhen ekipi i parë shqiptar, që kalojnë katër ture në kompeticionet europiane.