Përveç sukseseve të mëdha që po i korrin nëpër gara ndërkombëtare, xhudistëve kosovarë tani u janë kushtuar edhe pulla postare nga një shtet mik i Kosovës.
Shteti i Japonisë ka dizajnuar pulla postare me xhudistët kosovarë, si shenjë miqësie me Kosovën.
Këtë e ka bërë të ditur ambasadori i Kosovës në Japoni, Leon Malazogu.
“Tani ka edhe pulla postare që kremtojnë miqësinë e Kosovës me Japoninë dhe me qytetin Sanxho, si pjesë e bashkëpunimit me qytetin mikpritës për Tokyo 2020”.