Klopp paralajmëron Realin: “Në ndeshjen e kthimit do ta shihni çfarë do të thotë të luash në stadium të vërtetë”

Prishtinë | 07 Pri 2021 | 16:49 | Nga Ekonomia Online

Jurgen Klopp, trajneri i Liverpoolit, është i irrituar me humbjen e “Reds” 3-1 nga Real Madridi.

Për shkak se “Santiago Bernabeu” po rinovohet, Reali është duke i luajtur ndeshjet në stadiumin e ekipit të dytë, në “Alfredo di Stefano”, në gjendet kapur në qendrën stërvitore Valdebabes.

Aty luajti edhe në Champions League, kundër Liverpoolit dhe fitoi 3-1, derisa Los Blancos shpërdoruan edhe shumë raste të tjera.

Para ndeshjes, Jurgen Klopp nuk hezitoi të thotë se s’i pëlqen aspak që do të luajë në një stadium të tillë që sipas tij, ishte sikur po luante në një fushë të qendrës stërvitore dhe beson se kjo ndikoi në paraqitjen e ekipit të tij, pasi në Anfield, pret krejt tjetër ndeshje.

“Në kthim do të jetë një detyrë e vështirë për Real Madrid, me ose pa publik në Anfield. Sot (dje) ishte shumë e çuditshme sepse ishte një tjetër situatë, ai nuk është stadium. Anfield është një stadium i vërtetë dhe për ne do të jetë shumë më mirë”, u shpreh Klopp. 

Të ngjashme