Përfaqësuesja e Kosovës në kategorinë U-19, e ka mposhtuar bindshëm San Marinon.
Djemtë tanë e organizuan lojën si në mbrojtje kështjellë ashtu dhe në sulm të furishëm e efikas, duke i zbatuar kështu detyrat e përzgjedhësit Suad Keçi në përpikëri.
Serinë e golave e hapi kapiteni Rinor Dragusha qysh në minutën 6-të të ndeshjes, madje për dy minuta Dragusha shënoi dy herë.
Në vazhdim erdhi në shprehje cilësia e lartë e Drilon Maxharrajt me shokë të tjerë, ku rrjetën e San Marinos e tundi hiq më pak se 5 herë.
Ndërkaq që në listën e shënuesve u regjistruan edhe Blendi Bërbatovci, Albion Mataj e Armend Aliu. Përderisa, futbollistët e San Marinos shënuan dy gola edhe atë përmes Simone Badellit në minutën e 12-të dhe 23 –të ndeshjes.
Ndeshja ishte korrekte dhe në suaza të “fair-play”-t. Kosova nesër do të ballafaqohet me ekipi Kombëtar të Suedisë, e cila u mposht nga Qiproja me rezultat 1:6. Ndeshja zhvillohet prej orës 16.00, njofton Federata e Futbollit të Kosovës përcjellë Klan Kosova.