Pritet që Eden Hazard të veshë fanellën me numrin 7 te Real Madrid.

Kjo pasi fanella e superyllit belg ka dalë në shitje në dyqanin e klubit spanjoll në Dubai.

Mariano Diaz aktualisht veshë atë fanellë, por ka një shans të mirë që ai mund të largohet nga klubi, kështu që Hazardit ende nuk i është dhënë zyrtarisht një numër dhe sot mund të prezantohet pa të, transmeton lajm.net.

Kjo, megjithatë, nuk e ka ndalur dyqanin në Dubai nga vendosja e fanellës në shitje dhe ka qenë në dispozicion që nga e premtja e kaluar, kur u njoftua nënshkrimi i lojtarit.

Fanellat me numrin 7 të Hazard janë gjithashtu në shitje në aeroportin e Barcelonës.

Ndryshe, operacioni për transferimin e 28-vjeçarit i kushtoi Realit 100 milionë euro, shifër e cila mund të rritet edhe 40 milionë më shumë në rast të sukseseve të lojtarit me klubin.