Lampard mund të bëhet trajner i Rashicës, anglezi favorit për ta marrë drejtimin e Norwich Cityt

Prishtinë | 07 Nën 2021 | 13:35 | Nga Ekonomia Online

Ish-trajneri i Chelseat, Frank Lampard po lidhet me punën e Norwich Cityt dhe lehtë mund të bëhet trajner i yllit të Kosovës, Milot Rashica.

Sipas mediumit Daily Mail, Lampard është shfaqur si favoriti kryesor për t’u bërë zëvendësuesi i Daniel Farke në Norwich City, pasi trajneri gjerman u shkarkua nga klubi anglez të shtunën.

45-vjeçari u lirua nga detyrat e tij, pavarësisht se e udhëhoqi Norwichin drejt fitores së parë të sezonit në Ligën Premier të shtunën përmes një triumfi 2-1 ndaj Brentford.

Rezultati ende e lë Norwichin në zonën që bie nga kategoria, por ka barazuar pikët me Newcastle, i cili është ende pa fitore këtë sezon pas barazimit 1-1 ndaj Brighton.

Edhe shtëpitë e basteve e kanë vendosur ish-trajnerin e Chelseat, Lampard, si favoritin për punën e trajnerit te Norwich, me legjendën e Bluve dhe Anglisë që është ende i papunë pas shkarkimit të tij nga Stamford Bridge në fillim të këtij viti.

Lampard në rast emërimi te Norwich City, aty do ta gjente yllin e Përfaqësueses së Kosovës, Milot Rashica, si dhe talentin e huazuar nga Chelsea, Billy Gilmour.

Të ngjashme