Xhudistja kosovare, Laura Fazliu, është shumë pranë fitimit të medaljes së bronztë në kampionatin botëror të juniorëve që po mbahet në Marrakech të Marokut.
Fazliu garon në kategorinë -63 kilogramë dhe është një fitore larg të bronztës, të cilën po e kërkon përmes repesazhit, njofton Klan Kosova.
“Laura deri më tani shënoi katër fitore, kurse një humbje e pësoi në çerekfinale. Në repesazh mposhti gjermanen, Annabelle Winzig me Ippon, ndërsa tani e pret çekja, Renata Zachova”.
Kujtojmë se sot garoi edhe Flaka Loxha, e cila në kategorinë -57 kilogramë, shënoi një fitore, për t’u ndalur në raundin e tretë.