Pasi refuzoi kalimin te Sampdoria, mesfushori i Përfaqësueses së Kosovës, Valon Berisha, pritet t’i bashkohet një ekipi tjetër nga Serie A, Lazios.
Mediumet italiane kanë raportuar se Berisha ka arritur marrëveshje me Lazion dhe ekipi italian tashmë i ka ofruar Red Bull Salzburgut tetë milionë euro dëmshpërblim.
Mësohet se marrëveshja mund të finalizohet gjatë kësaj jave, derisa Berisha me Lazion do të firmosë kontratë pesëvjeçare.
25-vjeçari ka kontratë me Salzburgun deri në vitin 2020. Pjesë e këtij ekipi është prej vitit 2012. Në edicionin e fundit shënoi 13 gola dhe asistoi 11 herë në 45 ndeshje në të gjitha garat.