Liverpooli ka marrë tre pikë shumë të vështira në udhëtim te Sheffield Unitedi.
Skuadra e Jurgen Kloppit e fitoi këtë ndeshje me rezultat minimal, 0-1, transmeton Koha.net.
Ishte Wijnaldum që shënoi falë një gabimi të portierit Henderson në minutën e 70.
Të dyja skuadrat krijuan raste të pastra shënimi por pa efikasitet. Vlen të theksohen dy rastet kur Salah e Mane dolën ballë për ballë me portierin kundërshtar por nuk arritën të shënojnë.
Me këtë fitore Liverpooli ruan bilancin e 100 për qind, me 7 fitore në po aq ndeshje të zhvilluara, duke e mbajtur kreun e tabelës me 21 pikë. Sheffieldi në vendin e 12-të ka tetë pikë.