Java e 28-të në Superligën e Kosovës, do të përmbyllet sot me dy ndeshje tejet interesante.

Kjo e diel sjell një përballje tejet interesante në stadiumin “Bajram Aliu” në Skënderaj, në mes Drenicës dhe Prishtinës.

Ky rivalitet do të jetë i zjarrtë për faktin se të dy skuadrat luajnë për objektiva të ndryshme, kryeqytetasit për kreun e elitës, ndërsa kuqezinjët për t’i ikur edhe më shumë pozitave të fundit në tabelë.

Selim Isufi do ta gjykojë ndeshjen mes Drenicës dhe Prishtinës, me ndihmësit Besnik Morina e Imran Kabashi.

E për të njëjten gjë do të luajnë edhe Llapi me Dritën në stadiumin ‘Zahir Pajaziti’ në Podujevë.

Llapjanët kërkojnë fitoren për të qenë më të qetë në renditjen tabelare, ndërsa gjilanasit për të rimarr sërish kreun e elitës.

Gjyqtari me stem të FIFA-s, Visar Kastrati do ta ndajë drejtësinë në këtë sfidë, me asistentët Granit Hyseni dhe Elvis Vicaj.

Superliga e Kosovës – Java XXVII

E diele – 15:00

Drenica – Prishtina

Llapi – Drita