Skuadra e Llapit ka vazhduar me përforcimet dhe zgjatjen e kontratave të disa prej lojtarëve kyç të skuadrës nga sezoni i kaluar.
Brenda 24 orëve, KF Llapi ka njoftuar se i ka vazhduar kontratat katër futbollistëve të tyre. Bujar Idrizi, Benjamin Emini, Mentor Zhdrella dhe Behar Maliqi kanë vazhduar bashkëpunimin e tyre me Llapin.
Që të gjithë këta futbollistë kontrat e tyre i kanë vazhduar edhe për një vit, teksa llapianët kanë bërë edhe një transferim.
Bëhet fjalë për 27 vjeçarin nga Tetova, Emran Ramadani, i cili vjen nga skuadra e Renovas. Ramadani luan në pozitën e sulmuesit.