Massimiliano Allegri është i gatshëm ta braktisë Juventusin për ta zëvendësuar Antonio Conten në Chelsea, raporton The Sun.

Trajneri italian, i cili e ka fituar katër herë kampionatin italian Serie A, e ka konfirmuar se do të zhvendoset në një vend tjetër për të gjetur punë pasi t’i japë fund karrierës me Juventusin, transmeton Gazeta Express.

Arsenal dhe Chelsea janë skuadrat e interesuara për të, sipas mediumit anglez.

Ndërkohë, Conte pritet të shkarkohet nga detyra në të ardhmen e afërt pasi Chelsea është shumë pranë humbjes së mundësisë për të marrë pjesë në Ligën e Kampionëve sezonin e ardhshëm.

Chelsea do të kërkojë ta emërojë bashkatdhetarin e tij si pasues të tij.