Argjentina ka fituar me lehtësi mbrëmë ndaj Bolivisë me rezultat 3:0, në kuadër të kualifikimeve për Kampionatin Botëror.
Ishte Lionel Messi që shkëlqeu mbrëmë duke shënuar të gjithë golat e vendasve, shkruan Gazeta Express.
Përveç kësaj, Argjentina arriti ta festonte titullin e Copa Americas më në fund në praninë e tifozëve të tyre.
Në turneun e Copa Americas nuk ishin lejuar tifozë, për shkak të shpërthimit të koronavirusit atje.
Festimi i titullit në praninë e tifozëve ishte mjaft emocionuese për Messin, i cili shpërtheu në lot me këtë rast.