Meta: Le të mësojmë nga tifozët e Kosovës

Prishtinë | 10 Sht 2019 | 10:51 | Nga Ekonomia Online

Presidenti i Shqipërisë, Ilir Meta, ka thënë se e di që shumë tifozë janë mërzitur nga humbja me Francën.

Ai ka thënë se duhet mësuar nga tifozët e Kosovës, që pikërisht kur ekipi është në disavantazh, ndizen më shumë në përkrahjen e ekipit.

Më poshtë mund ta lexoni shkrimin e plotë të tij në Facebook.


Nuk kisha në plan të shkoja sot në “Elbasan Arena” për shkak të shumë detyrimeve të tjera, por besoj se të gjithë duhet të jemi më pranë
se asnjëherë Kombëtares sonë që pas shkëlqimit të jashtëzakonshëm në Europianin e Francës është në tranzicion drejt rigjetjes së vetvetes. Shpesh tifozët kërkojnë vetëm fitore, por topi është i rrumbullakët. E di që shumë tifozë janë mërzitur nga humbja me Francën, kampionen e botës, por mos harroni si humbi Brazili me Gjermaninë 1-7.
Le të mësojmë dhe nga tifozët e Kosovës, që pikërisht kur ekipi është në disavantazh, ndizen më shumë në përkrahjen e ekipit.
Sot në “Elbasan Arena” me Kuqezinjtë.

Fotografia e Ilir Meta
Fotografia e Ilir Meta

Të ngjashme